TN TET CASE LATEST PRESS RELEASE

ஆசிரியர் தகுதித் தேர்வு TET CASE தொடர்பான வழக்கில் முதலமைச்சர் வழிகாட்டுதலின் படி, தமிழ்நாடு அரசு சார்பாக சீராய்வு மனு தாக்கல் செய்யப்படும் என பள்ளிக் கல்வித் துறை செய்தி வெளியீடு!!!

செய்திக் குறிப்பின் சுருக்கம் :– 

தமிழ்நாடு அரசு, பள்ளிக் கல்வித் துறை (11/09/2025)

தமிழ்நாடு அரசு, உச்ச நீதிமன்றத்தில் மறுபரிசீலனை மனு தாக்கல் செய்ய முடிவு செய்துள்ளது. (01.09.2025 அன்று Anjuman Ishaat-e-Talim Trust vs State of Maharashtra & Others வழக்கில் வந்த தீர்ப்புக்கு எதிராக).

TET தகுதி இல்லாத பணியில் உள்ள ஆசிரியர்கள் இரண்டு ஆண்டுக்குள் அதை பெற வேண்டும்; பெறவில்லை என்றால் கட்டாய ஓய்வு மற்றும் ஓய்வூதிய பலன்கள் வழங்கப்படும் என்று உச்சநீதிமன்றம் உத்தரவிட்டுள்ளது.

5 ஆண்டுகளுக்கு குறைவான சேவைக்காலம் உள்ள ஆசிரியர்கள் ஓய்வு வரை தொடரலாம், ஆனால் பதவி உயர்வு கிடையாது.

தமிழ்நாடு அரசின் நிலைப்பாடு:

எதிர்கால புதிய நியமனங்களுக்கு TET அவசியம் என்பதில் முழு ஒப்புதல்.

ஆனால், ஏற்கனவே பணியில் உள்ள ஆசிரியர்களுக்கு பின்பற்ற வேண்டிய அவசியம் இல்லை; இது நீதியற்றது, நடைமுறையிலும் சாத்தியமில்லை.

இந்த உத்தரவு நடைமுறைக்கு வந்தால், ஆசிரியர்கள் கட்டாய ஓய்வு, ஆசிரியர் பற்றாக்குறை, மாணவர்களின் கல்வி பாதிப்பு போன்ற கடுமையான விளைவுகள் ஏற்படும்.

மறுபரிசீலனை மனுவின் காரணங்கள்:

1. இலவச & கட்டாயக் கல்வி சட்டம், 2009 (RTE Act) – புதிய நியமனங்களுக்கு மட்டுமே பொருந்தும்; பணியில் உள்ள ஆசிரியர்களுக்கு கட்டாய ஓய்வு விதிக்க இயலாது.

2. NCTE அறிவிப்பு (23.08.2010) – அதற்கு முன் நியமிக்கப்பட்ட ஆசிரியர்களுக்கு TET விதி பொருந்தாது.

3. பின்பற்றும் விதி (retrospective) ஆசிரியர்களின் உரிமைகளை பாதிக்கிறது; கல்வித் துறையில் ஆபத்தை உண்டாக்குகிறது.

அரசின் உறுதி:

கல்வித் தரமும், ஆசிரியர் நலனும் பாதுகாக்கப்படும்.

தற்போதைய ஆசிரியர்களின் உரிமைகள் காக்கப்படும், புதிய நியமனங்களுக்கு மட்டும் TET கடைபிடிக்கப்படும்.

ஆசிரியர்களுடன் மாநில அரசு உறுதியாக நிற்கிறது, நியாயமான தீர்வு கிடைக்கும் வரை சட்டப்போராட்டம் தொடரப்படும் எனவும் செய்திக் குறிப்பில் தெரிவிக்கப் பட்டுள்ளது..

CLICK HERE TNSED PRESS RELEASE ENGLISH

CLICK HERE TNSED PRESS RELEASE TAMIL